Vrasesit e taksistit dyshime per 2 krime te tjera
KORE - Dy te rinjte nga qyteti i Bilishtit qe jane te akuzuarit kryesore per vrasjen e taksistit dyshohen se kane kryer edhe krime te tjera te renda dhe akoma te pazbardhura ne zonen e Devollit. Burime te policise thane se do te kryejne hetime per vrasje te tjera te ndodhura ne qytetin e Bilishtit dhe ne zonen e Devollit qe mund te kene per autore te rinjte Eljero Revani dhe A.Xhacka te arrestuarit e pare mbi vrasjen e taksistit Fredi Talelli. Keto hetime do te kryhen pasi ne rrethin e Devollit jane te pakten dy vrasje te pazbardhura nje prej te cilave ajo e nje personi qe u gjend i vdekur ne nje grope gelqereje afro nje vit me pare. Policia dyshon se kjo ngjarje ka ndodhur atehere per grabitje dhe banori i qytetit te Bilishtit eshte hedhur ne gropen e gelqeres per te zhdukur gjurmet. Ka te dhena se dy te rinjte nga qyteti i Bilishtit mund te hetohen edhe per nje krim tjeter me pasoje vdekje te ndodhur ne kete rreth. Blute i bazojne dyshimet e tyre ne faktin se nje prej autoreve te vrasjes se taksistit 21-vjecari Elkjero Revani figuron me precedente penale me pare per nje plagosje. Policia e Korces dhe ajo e Devollit presin transferimin e dosjes hetimore per vrasjen e taksistit nga Elbasani per ne Korce qe te kryejne hetimet e tyre nese te akuzuarit kryesore per vrasjen e taksistit dy te rinjte nga Bilishti jane apo jo edhe autore krimesh te tjera per qellime grabitjeje. g.a