Vrasja e ish-policit Santiago Malko, SPAK jep pretencën: 157 vite burg në total për të akuzuarit
Prokuroria e Posaçme kundër Korrupsionit dhe Krimit të Organizuar ka dhënë pretencën për 6 të pandehurit në lidhje me vrasjen e ish-policit Santiago Malko, ngjarje e ndodhur në 2019 në zonën e “Xhamllikut” në Tiranë. SPAK kërkon për të akuzuarit 157 vite burg në total, konkretisht:
Leonard Duka – 32 vite burg
Erlis Duka – 25 vite burg
Fatmir Hyseni – 32 vite burg
Aleksandër Manxhaku – 22 vite burg
Oltian Loga – 23 vite burg
Dritan Agaj – 23 vite burg
Ngjarja ndodhi në mbrëmjen e 27 gushtit 2019, kur Santiago Malko u qëllua për vdekje me breshëri plumbash. Ai kishte qenë më parë punonjës i Policisë së Shtetit, por ishte larguar nga radhët e uniformave blu.
Hetimet kanë ngritur dyshime se Malko ishte përfshirë në disa aktivitete kriminale dhe se ekzekutimi i tij mund të jetë pasojë e konflikteve për trafik droge, borxhe të pashlyera dhe përplasje mes grupeve kriminale rivale.
/rtsh.al/