Vrasjet e Bucha tronditin udhëheqësit dhe ndezin thirrjet për sanksione të mëtejshme

Udhëheqësit ndërkombëtar kanë pasur thirrje për sanksione të reja, më të ashpra ndaj Rusisë lidhur me vrasjet e dukshme të një numri të madh civilësh në qytetin Bucha, afër Kievit raporton BBC.

Ukraina ka akuzuar trupat ruse për një “masakër të qëllimshme” pasi trupat e të paktën 20 personave të veshur me rroba civile u gjetën në rrugët e qytetit.

Qindra kufoma thuhet se janë gjetur në qytete jashtë Kievit pas tërheqjes së trupave ruse nga zona, sipas zyrtarëve ukrainas. Rusia mohon çdo vrasje.

Ja reagimi i fundit:

• Presidenti francez Emmanuel Macron ka bërë thirrje për sanksione të mëtejshme që synojnë eksportet e qymyrit dhe naftës së Rusisë – duke u thënë mediave franceze se kishte “indikacione të qarta për krime lufte”.
• Ministrja gjermane e mbrojtjes Christine Lambrecht thotë se Bashkimi Evropian tani duhet të diskutojë ndalimin e importit të gazit rus – diçka që liderët kanë hezituar ta bëjnë deri më tani, pavarësisht nga nxitja e Ukrainës për shkak të efektit që do të kishte tek konsumatorët evropianë.
• Sekretari amerikan i Shtetit Antony Blinken i ka përshkruar imazhet e trupave të vdekur si një “grusht në zorrë”.
• Kryeministri britanik Boris Johnson dënoi ato që ai i quajti “sulme të neveritshme”. Raportet sugjerojnë se Mbretëria e Bashkuar mund të shpallë sanksione të reja këtë javë
• Ndërkohë presidenti i Këshillit të BE-së Charles Michel tha se sanksionet dhe mbështetja e mëtejshme e BE-së ishin “në rrugën e tyre”.