Vuçiniç për Tonin

Bayern Munich kërkon Mirko Vuçiniçin në marrëveshje për qëndrimin permanent të Luca Tonit në Romë në fund të këtij sezoni.

E përditshmja sportive italiane Corriere dello Sport ka shkruar të premten se Roma synon të blejë Tonin – i huazuar deri në verë –, mirëpo gjiganti bavarez e kërkon yllin malazez si pjesë të marrëveshjes për qëndrimin afatgjatë të Tonit në Stadio Olimpico.

Vuçiniç ka zgjuar interesim nga klube të mëdha evropiane pas paraqitjeve të mira në Romë.