Zarate: Do ta shpëtoj Lazion

Mauro Zarate është i gatshëm ta ndihmojë Lazion që të largohet nga zona e ekipeve të rrezikuara për të rënë nga Serie A. Forma e dobët e ekipit ka bërë që Lazio të futet për pesë ditë në karantinë, për t’u përgatitur për përballjen e radhës me Cagliarin. Argjentinasi nuk do të luajë në këtë ndeshje, pasi është i suspenduar.

Por, ai po mendon për ndeshjet e ardhshme. “Unë do ta shpëtoj Lazion. E kam borxh këtë ndaj këtyre tifozëve fantastikë”, ka thënë Zarate i cili pritet të rikthehet të mërkurën e ardhshme, kur Lazio do të ballafaqohet me Sienën.