Zëvendës presidenti i zgjedhur nga Trump, Vance kundër ndihmës së SHBA-së për Ukrainën
Donald Trump zgjodhi JD Vance si kandidatin e tij për zëvendëspresident nëse do të do të mund të fitojë garën për të drejtuar Shtëpinë e Bardhë. Vance i bashkohet garës presidenciale republikane si një nga kandidatët më të rinj për nënpresidentë që nga ish Presidenti Richard Nixon në vitin 1952.
Ky emërim nga Partia Republikane vë në provë statusin e Senatorit Vance si një politikan i ri dhe pa përvojë politike. Por, nga ana tjetër si një nga anëtarët më izolues të Partisë Republikane, emërimi i tij shihet nga disa si një lëvizje shqetësuese për Europën.
Vance ka qenë i zëshëm në kundërshtimin e tij ndaj mbështetjes së SHBA-së për Ukrainën dhe ka luajtur një rol kyç në përpjekjen për të anuluar projektligjin e sigurisë të vonuar prej kohësh, i cili përfshinte një paketë ndihme ushtarake prej 60 miliardë dollarësh për Kievin.
Një zyrtar i lartë i Bashkimit Europian tha se zgjedhja e senatorit të Ohajos shihet si katastrofike për Ukrainën dhe në vazhdimësi për BE-në. Në Konferencën e Sigurisë së Mynihut në fillim të këtij viti, Vance anashkaloi një takim me zyrtarë të lartë ukrainas dhe tha se SHBA duhet të rivlerësojë mbështetjen e saj për Ukrainën.
Ai gjithashtu kritikoi atë që ai tha se ishte mbi varësia e Evropës nga Uashingtoni për sigurinë, si dhe tha se nuk besonte se Vladimir Putin përbën një “kërcënim ekzistencial” për kontinentin. Ndërsa ai nuk beson se SHBA duhet të tërhiqet nga NATO, Vance ka thënë se SHBA duhet të përqendrohet “më shumë në Azinë Lindore”, e cila tha ai do të jetë “e ardhmja e politikës së jashtme amerikane për 40 vitet e ardhshme”.
/RTSH/