Zgjedhjet amerikane, nisin të dalin rezultatet e para

Presidenti amerikan, Donald Trump dhe kundërshtari i tij demokrat, Joe Biden, kanë pretenduar fitoret e tyre të para në mbrëmjen e ditës së zgjedhjeve presidenciale.
Siç raporton Associated Press, Trump fitoi tetë votat elektorale të shtetit Kentucky, ndërsa Biden fitoi tre votat elektorale të shtetit Vermont.
Për të marrë Shtëpinë e Bardhë, kandidati duhet të fitojë 270 vota elektorale.
Një numër rekord i votuesve kanë hedhur votat e tyre të hershme ose përmes postës në një përpjekje për të shmangur hapësirat e brendshme të mbushura me njerëz ku virusi lulëzon.
Sipas Projektit të Zgjedhjeve në SHBA, gjithsej mbi 101 miliona njerëz kanë hedhur votat e hershme para ditës së zgjedhjeve. Pritet që pjesëmarrja të jetë 67 për qind, më e larta që nga viti 1950.