Zgjedhjet në Maqedoni, sistemi do të nxjerrë 123 deputetë

Ka nisur në Maqedoni procesi i votimit për zgjedhjet e parakohshme parlamentare. Votimi ka nisur ne oren 7 te mengjesit te së dielës për të përfunduar sipas orarit zyrtar, ne orën 19 të pasdites. Për 20 ditë fushatë partitë politike, koalicionet dhe kandidatët e pavarur shpalosën programet dhe platformat zgjedhore para elektoratit duke kërkuar votën dhe besimin e qytetarëve. në këto zgjedhje të drejtën e votës e kanë saktësisht 1.821.122 qytetarë dhe 7.258 shtetas nga diaspora. ky numër total i votuesve do të zgjedhë 123 deputetë, prej të cilëve tre do të jenë nga diaspora, e më konkretisht, një deputet në njësinë Evropë-Afrikë, një nga Amerika Veriore dhe Jugore si dhe një nga Australia dhe Azia. Nga gjashtë njësi do të dalin nga 20 deputetë. Në njësinë e parë zgjedhore, të drejtën e votës e kanë 302.864 votues, në njësinë e 2-të janë 312.720 votues, në njësinë e 3-të janë 291.140 votues, në njësinë e 4-ët janë 292.596 votues, në njësinë e 5-të janë 303.686 votues dhe në njësinë e 6-të janë 318.116 votues. Në diasporë në njësinë e 7 për Evropë – Afrikë janë 4.653 votues, në njësinë e 8 Amerikë-Kanada 1.832 votues, në njësinë e 9 773 votues në Australi dhe Azi. Zgjedhjet zhvillohen sipas modelit proporcional në nëntë njësi zgjedhore. Votimet do të zhvillohen në 2.976 vendvotime, ku qytetarët do të mund të shprehin votën e lirë për partitë garuese. Këto zgjedhje do të monitorohen nga 7.830 vëzhgues të akredituar në Komisionin Shtetëror Zgjedhor, prej të cilëve 7.341 nga vendi dhe 489 të huaj. Nga vëzhguesit e huaj, më të shumtët në numër janë përfaqësuesit eOSBE/ODHIR, 234, nga Asamblea Parlamentare e OSBE-së janë 47, nga Ambasada amerikane 39, nga delegacioni i Komisionit Evropian 20 dhe nga Këshilli i Evropës 16, ndërsa vëzhgues të tyre do të kenë edhe Ambasadat e Francës, Sllovenisë, Britanisë së Madhe, Rusisë, Çekisë, Austrisë, Turqisë, Kinës,k Hungarisë, Kroacisë, Italisë dhe Sllovakisë në Shkup, Komisioni Qendror Zgjedhor i Kosovës dhe i Grupit ndërkombëtar të Krizës. Midis vëzhguesve të vendit më të shumtë janë nga Asociacioni qytetar MOST 4.466, ndërsa pjesa tjetër, janë nga gjashtë organizata joqeveritare.