Zgjedhjet presidenciale në Turqi, Kilicdaroglu dhe Erdogan do të përballen në balotazh

Presidenti Recep Tayyip Erdogan do të shkojë ballë për ballë në një balotazh me rivalin e tij të opozitës, ka konfirmuar këshilli suprem i zgjedhjeve në Turqi. Ai kryesoi raundin e parë me 49.51% të votave.

Megjithëse kishte një epërsi të qartë ndaj kundërshtarit të tij kryesor Kemal Kilicdaroglu, i cili mori 44.88%, Erdogan i nevojitej më shumë se gjysma e votave për të fituar garën plotësisht.

Një raund i dytë do të zhvillohet më 28 maj, me Erdogan favorit të qartë. Pak para shpalljes së balotazhit, rivali i presidentit u bëri thirrje mbështetësve që të mos "bien në dëshpërim" dhe të dalin dhe t'i marrin zgjedhjet së bashku.

Erdogan ka qenë në pushtet në Turqi për më shumë se 20 vjet, fillimisht si kryeministër dhe më pas si president, duke i zgjeruar kompetencat e tij edhe më tej pas një grushti të dështuar në vitin 2016.

Me Kilicdaroglu si kandidat, opozita shihej se kishte një nga shanset e saj më të mira deri më tani për ta larguar atë nga pushteti, për shkak të një aleance të gjerë partish. Pjesëmarrja në Turqi ishte 88.92%, megjithatë, ishte e qartë se një numër votash të hedhura jashtë vendit ende nuk ishin numëruar.

Sondazh

A e mbështesni protestën siç është zhvilluar dy ditët e fundit nën emrin e studentëve?

•                                                                         Po
  

  •                                                                     Jo
    

    •                                                                 Nuk e di
      

Lexo gjithashtu