Zhvendoset protesta, protestuesit marshojnë drejt qendrës
Pas përshkallëzimit të situatës para Ministrisë së Arsimit, turma është zhvendosur drejt qendrës së Tiranës, në zonën e “9 katësheve”.
Përplasjet nisën pasi protestuesit sulmuan me gurë dhe molotov autobotin e policisë që përdoret për hedhjen e ujit, ndërsa uniformat blu u kundërpërgjigjën me gaz lotsjellës dhe ujë me presion.
Ndërkohë, bilanci i pesë ditëve të para të protestave shkon në 272 persona të lënduar. Sipas të dhënave të raportuara, 169 prej tyre janë punonjës policie, 82 protestues dhe 21 kalimtarë.
