Zjarr, kaos dhe përplasje të dhunshme në qendër të Tiranës, sulme me molotov në Komisariatin nr.3

Rrugët e Tiranës janë kthyer në arenë lufte përgjatë ditës së sotme.

Në ditën e gjashtë të protestës, protestuesit janë shpërndarë në disa grupe, duke goditur punonjësit e policisë dhe duke djegur kazanët e plehrave për të krijuar barrikada në rrugë.

Aktualisht, ka përplasje të forta pranë Ministrisë së Brendshme, ndërsa më herët protestuesit sulmuan Komisariatin nr. 3, duke i vënë zjarrin.

Si pasojë e sulmit, pati disa efektivë të plagosur.