Zjarr në një hotel te Shkëmbi i Kavajës, raportohen vetëm dëme materiale

Një hotel në vendin e quajtur Shkëmbi i Kavajës në Durrës është përfshirë nga flakët. Mësohet se zjarri ka nisur në kuzhinën e hotelit, për tu zhvendosur më tej në ambjentet e tjera.

Fatmirësisht nuk ka pasur të lënduar, vetëm dëme materiale, ndër të cilat edhe 2 automjete të pushuesve që gjendeshin të parkuara në parkingun e hotelit.

Në vendngjarje kanë mbërritur forcat e shërbimit zjarrëfikës, të cilët  kane neutralizuar  vatrën e zjarrit.

Ende nuk dihen shkaqet e rënies së zjarrit, ndërkohë policia ka nisur hetimet për zbardhjen e plotë të ngjarjes.