Zyrtare: Largohet Bordin, Ardian Nuhiu merr drejtim e Tiranës

Tashmë është zyrtare: Ardian Nuhiu është trajneri i ri i Tiranës. Me anë të një postimi në rrjetet sociale klubi bardheblu falënderon trajnerin Roberto Bordin dhe ndihmësin e tij Marco Veronese për punën e bërë dhe njofton se tekniku i ri i skuadrës do të jetë Nuhiu.

46-vjeçari, që ka pasur një karrierë të suksesshme si futbollist, pasi vari “këpucët në gozhdë” filloi një e karrierë të re si trajner. Nuhiu ka drejtuar Shkëndijën e Tetovës, Dritën, Gjilanin dhe Shkupin.

Largohet nga stoli bardheblu Bordin, që mori drejtimin e Tiranës në fillim të shtatorit dhe në 7 ndeshje arriti 1 fitore, 2 barazime dhe 4 humbje.

Kujtojmë që Nuhiu do të jetë trajneri i tretë i Tiranës në këtë sezon, pasi në 2 ndeshjet e para të kampionatit skuadra bardheblu u drejtuar nga Mile.