AKU, kontroll në tregun e Milotit/ Bllokohen rreth 73 kg mish derri, tregtohej jashtë standardeve

Autoriteti Kombëtar i Ushqimit ka bllokuar një sasi prej 75.8 kilogramësh mish derri në tregun e Milotit, pasi u konstatuan parregullsi serioze. Sasia e bllokuar ishte pa vulë identifikimi, pa faturë tatimore dhe po tregtohej në kushte të papërshtatshme për konsum, duke rrezikuar shëndetin e qytetarëve. Mishi i konfiskuar u asgjësua nga inspektorët, ndërsa ndaj tregtarit u vendos edhe masë administrative.

AKU thekson se mbetet në gatishmëri të plotë për të garantuar sigurinë ushqimore dhe mbrojtjen e shëndetit të konsumatorit. Autoriteti kërkon gjithashtu bashkëpunim me institucionet ligjzbatuese, për të vijuar kontrollet në të gjitha rastet ku evidentohen parregullsi në tregtimin e produkteve ushqimore.

Qytetarëve u bëhet thirrje që të blejnë vetëm nga subjekte të licencuara dhe të autorizuara dhe të denoncojnë çdo rast të dyshimtë, duke ndihmuar në mbrojtjen e sigurisë ushqimore. Ky aksion vjen vetëm pak ditë pas bllokimit të një sasie të madhe qumështi për bebe, që rrezikonte shëndetin e fëmijëve.