Aksident në Pogradec, një i lënduar
Një aksident rrugor është shënuar pasditen e sotme në qytetin e Pogradecit.
Dy automjete janë përplasur me njëra-tjetrën, duke shkaktuar dëme materiale dhe plagosjen e një personi.
Sipas informacioneve paraprake, njëri prej shoferëve po udhëtonte me familjen e tij. Në makinë edhe ndodhej fëmija 4-vjeçar, i cili ka shpëtuar pa lëndime.
Ndërsa drejtuesi i mjetit ka pësuar dëmtime në fytyrë dhe është transportuar për ndihmë mjekësore.
Policia ndodhet në vendngjarje dhe po punon për të sqaruar shkaqet dhe rrethanat e aksidentit./vizionplus.tv