Aksident në Shishtavec-Kukës, automjeti përplas këmbësoren

Një aksident rrugor është regjistruar në aksin Shishtavec-Kukës. Një 30-vjeçar ka përplasur me automjet një këmbësore e cila është dërguar në spital dhe ndodhet në kujdesin e bluzave të bardha.

Drejtuesi i mjetit, është shoqëruar në Komisariat për veprime të mëtejshme. Grupi hetimor po punon për zbardhjen e rrethanave të aksidentit.

“Rreth orës 06:15, në aksin rrugor “Shishtavec-Kukës”, shtetasi G. N., 30 vjeç, duke drejtuar automjetin, dyshohet se ka aksidentuar shtetasen Sh. N., 49 vjeçe, banuese në Kukës, këmbësore.

Shtetasja Sh. N. është dërguar në spital dhe është në kujdesin e mjekëve. Drejtuesi i automjetit është shoqëruar në ambientet e DVP Kukës, për veprime të mëtejshme.

Grupi hetimor po punon për zbardhjen e rrethanave të aksidentit”, njofton policia.

/rtsh.al/