Aksidentoi për vdekje 42-vjeçaren në aksin “Bilisht- Kapshticë”, arrestohet shoferja 36-vjeçare

Një ditë pas aksidentit të rëndë në aksin “Bilisht-Kapshticë”, ku humbi jetën një 42-vjeçare, policia ka arrestuar drejtuesen e një prej mjeteve.
Bëhet fjalë për shtetasen me inicialet A. Sh., 36 vjeçe, banuese në Përrenjas.

“Në vijim të informacionit paraprak të dhënë dje, për aksidentin në aksin rrugor “Bilisht- Kapshticë”, informojmë se specialistët e Sektorit të Qarkullimit Rrugor arrestuan në flagrancë shtetasen A. Sh., 36 vjeçe, banuese në Prenjas. Nga përplasja e automjetit që drejtonte kjo shtetase me një automjet tjetër, humbi jetën pasagjerja në automjetin e saj, shtetasja E. S., 42 vjeçe.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.”, sqaron policia.