Aktet e marrjes së tokës në pronësi, mbi 100 AMTP të dhëna muajt e fundit në qarkun e Shkodrës

Pajisja e fermerëve të zonave rurale me aktin e marrjes së tokës bujqësore në pronësi, në bazë të Ligjit nr. 20/2020, është një procedurë që po vijon të zbatohet nga Agjencia Shtetërore e Kadastrës, në bashkëpunim me strukturat e pushtetit vendor.

Në qarkun e Shkodrës ky proces, i cili ndër vite ka pësuar vonesa dhe ndërprerje të shpeshta, gjatë këtij viti duket se ka hyrë në një ritëm më të qëndrueshëm.

Sipas drejtueses së Drejtorisë Vendore të Kadastrës Shkodër, Eglantina Frroku, puna aktualisht është përqendruar në territorin e Malësisë së Madhe, ku vetëm gjatë gjashtë muajve të fundit janë lëshuar mbi 100 AMTP, ndërsa dhjetëra të tjera janë në proces finalizimi.

“Në Malësinë e Madhe kemi emetuar jo pak, duke qenë edhe qyteti i parë me numrin më të madh të të dhënave të MTP. Në muajin qershor, nga ana e drejtorisë sonë, për zonën e Goje Mirës kemi 94 AMTP dhe kemi në proces të tjera, po në të njëjtën zonë, dhe 51 që janë të pritje të miratimit të këshillit bashkiak. Do të vijojmë me hapjen e fshatrave të tjera dhe shqyrtimin e kërkesave të cilat janë për AMTP të reja”, tha Frroku.

Nëse dëshironi, mund ta përpunoj edhe për të bërë tekstin më të rrjedhshëm për publikim.Mungesa e aktit të marrjes së tokës në pronësi, sipas ligjit të kontestuar 7501 që vazhdon të mbetet në fuqi, ka penguar për vite me radhë shumë fermerë të qarkut të Shkodrës të përfitojnë nga skemat mbështetëse të qeverisë për bujqësinë. Në praktikë, procesi është shoqëruar historikisht me problematika, pasi një pjesë e madhe e familjeve morën tokën në përdorim, por nuk u pajisën me titujt përfundimtarë të pronësisë

Gazetar: A. Hoti

/rtsh.al/