Berisha bllokon foltoren, ndërpritet seanca plenare e Kuvendit
Me kërkesë të grupit parlamentar demokrat, Kuvendi ka ndërprerë sërish punimet por këtë herë për 5 minuta.
Shkak për këtë shtyrje është bërë fjala e mbajtur në foltoren e Kuvendit nga kryedemokrati Sali Berisha, teksa kryeparlamentari Niko Peleshi njoftoi interpelancën e kërkuar nga deputetja demokrate Ina Zhupa me Ministrin e Turizmit, Kulturës dhe Sportit, Blendi Gonxhja.
“Sipas rregullores nëse nuk e merrni fjalën, interpelanca quhet e kryer. Z.Berisha në këtë rast nuk keni të drejtën e fjalës për replikë, ishim në proces votimi. Mos prishni seancën”, deklaroi Peleshi duke i bërë thirrje deputetes Zhupa të merrte fjalën në Kuvend.
Pas bllokimit të foltores nga ana e kryedemokratit, grupi parlamentar demokrat kërkoi ndërprerjen për 5 minuta të seancës, kërkesë kjo e pranuar nga Peleshi.
/rtsh.al/