Atalanta-Bryges 2-1, përmbysje nga Samardzic-Pasalic

Atalanta rikthehet në Ligën e Kampionëve. Pas një humbjeje të rëndë ndaj PSG-së, skuadra e Juriç mundi Club Brugge 2-1 për t’u ngjitur në tri pikë në renditje. Në New Balance Stadium, skuadra italiane tregoi një performancë të fortë rikthimi, me Lookman që luajti si titullar pas më shumë se katër muajsh mungesë për shkak të problemeve të njohura të tregut të transferimeve.

Pas më shumë se gjysmë ore loje të barabartë, Tzolis (38′) zhbllokoi sfidën me një gjuajtje të saktë. Atalanta iu përgjigj këtij goli në pjesën e dytë, duke rritur ritmin dhe duke e përmbysur rezultatin. Samardzic (73′) barazoi nga pika e bardhë, ndërsa Pasalic (87′) firmosi rikthimin.