BOTËRORI 2026 – Franca “shkatërron” Suedinë 3-0, kalon në 1/16-at e Botërorit
LONDËR, 1 korrik /ATSH/- Franca tregoi edhe një herë forcën e saj në Kupën e Botës, duke mposhtur Suedinë 3-0 dhe duke siguruar kualifikimin në fazën e 1/16-ave, ku do të përballet me Paraguain në Filadelfia më 4 korrik, shkruan BBC.
Kylian Mbappé shënoi dy gola, duke qenë sërish vendimtar, ndërsa Bradley Barcola realizoi golin e dytë.
Sulmuesi francez u afrua edhe më shumë me kryesuesin Lionel Messi në garën për “Këpucën e Artë”, duke arritur në 18 gola në historinë e Botërorit.
Ndeshja u shoqërua edhe me një moment emocional për trajnerin Didier Deschamps, i cili u rikthye në stol pas mungesës, për shkak të vdekjes së nënës së tij.
Pas golit të parë, Mbappé vrapoi drejt tij për ta përqafuar, ndërsa gjithë ekipi iu bashkua në një moment solidariteti.
Franca dominoi totalisht ndeshjen, duke krijuar shumë raste dhe duke treguar një sulm shumë efikas, me Ousmane Dembélé dhe Michael Olise gjithashtu shumë vendimtarë në asistime.
Me këtë fitore, Franca ka shënuar 13 gola në 4 ndeshje, duke u konfirmuar, si një nga favoritët kryesorë të turneut.
Nëse kalon edhe Paraguajin, Franca do të përballet në çerekfinale me fituesin e ndeshjes Kanada–Marok. //a.i/