Barcelona mposht Levanten dhe rimerr vendin e parë

Në La Liga ka një lider të ri. Pas humbjes së Real Madridit dje, Barcelona nuk bëri asnjë gabim kundër Levantes, fitore 3-0 dhe rifitoi vendin e parë në tabelë me 61 pikë (një pikë përpara Blancos).

Në Camp Nou, ekipit të Flick iu deshën vetëm katër minuta për të zhbllokuar sfidën, pas një goditjeje nga këndi, Eric Garcia dërgoi një krosim të fuqishëm në qendër të zonës, duke gjetur Bernal i cili me kokë e dërgoi topin në rrjetë.

Në minutën e 32-të, Barcelona dyfishoi epërsinë, Cancelo krosoi për de Jong për të shënuar nga afër.

Në pjesën e dytë, katalanasit iu afruan disa herë golit të tretë, por e gjetën vetëm në minutën e 82-të falë Fermin Lopez. Numri 16 gjuajti me të majtën duke vulosur fitoren përfundimtare 3-0.