Berisha njofton datën e protestës së radhës
Pas mbylljes së seancës plenare në Kuvend, ku me 82 vota kundër u rrëzua kërkesa e SPAK për arrestimin e deputetes Belinda Balluku, kreu i Partia Demokratike (PD), Sali Berisha, iu bashkua protestës së opozitës para parlamentit.
Ai deklaroi se kryeministri Edi Rama ka shënuar “vetëvrasjen e tij politike” dhe iu drejtua protestuesve duke thënë: “Sot është autorizim i plotë për kryengritjen më të fuqishme. Është pranvera jonë”.
Në fund të protestës para Parlamentit, Berisha lajmëroi datën e protestës së radhës. Ai bëri thirrje që qytetarët të dalin masivisht në rrugë më 22 mars .
/vizionplus.tv