Besimtarët katolikë kremtojnë Pashkën e Madhe, simbolin e ringjalljes dhe shpresës

Besimtarët e krishterë katolikë në mbarë vendin kremtojnë sot, më 4 prill, festën e shenjtë të Pashkës, e cila simbolizon ringjalljen e Jezu Krishtit dhe fitoren e jetës mbi vdekjen.

Në këtë ditë të veçantë, qindra qytetarë janë mbledhur në katedralen “Shën Pali” në kryeqytet , duke mbajtur në duar qirinj lutjeje, që përfaqësojnë dritën e përjetshme dhe besimin në shpresë. Atmosfera është e mbushur me solemnitet dhe përkushtim shpirtëror, ndërsa mesazhet e paqes, dashurisë dhe faljes përcillen tek të gjithë besimtarët.

Një nga simbolet më karakteristike të kësaj feste mbetet veza e kuqe, e cila përfaqëson jetën e re dhe ringjalljen. Familjet mblidhen pranë njëra-tjetrës për të ndarë këtë moment të rëndësishëm, duke ruajtur traditat dhe vlerat shpirtërore që përcjell kjo festë.

/rtsh.al/