Champions League/ PSG dhe Barcelona janë gjysmëfinalistet e para
PSG ka prerë biletën për në fazën gjysmëfinale të UEFA Champions League ku do të presë njërën mes Arsenal dhe Real Madrid të cilat do të ndeshen mbrëmjen e së mërkurës.
PSG u kkualifikua me rezultatin e përgjithshëm 5-4 përballë Aston Villas.
Britanikët u duk në një moment sikur do të hynin fort në garë. Pas humbjes së ndeshjes së parë në Francë me rezultatin 3-1, Aston Vila e pa sërish veten në disavatazh të dy golave, pasi Hakimi në të 11-ën dhe Mendes në të 28-ën i dhanë avantazhin e dyfishtë PSG-së.
Por në minutën e 34 Tielemans fut në lojë Aston Vilan duke shkurtuar diferencën, ndërkohë që në pjesën e dytë anglezët do të shënonin edhe dy herë të tjera me anë të McGini në minutën e 55-të dhe Kosna në minutën e 57-të duke përmbysur gjithçka.
Ata luftuan deri në fund që të shënonin edhe një gol, që do të çonte ndeshjen në shtesë, por rezultati mbeti i pandryshuar, duke bërë që të jenë francezët që kalojnë në fazën tjetër.
Ndërkohë edhe Dortmund ka marrë një fiotore të madhe 3-1 përballë Barcelonës por që nuk mjaftoi, pasi spanjollët kishin fituar 4-1 javën e shkuar.
Guirassy shënoi tre herë, dy në pjesë të parë dhe një në pjesën e dytë, por autogoli i Bensbeinit zbehu shpresat e gjermanëve për mrekulli.
Tashmë Barcelona është në pritje të sfidës mes Interit dhe Bayern për të mësuar se me cilën skuadër do të ndeshet në gjysëmfinale.