Çmimi “At Zef Pllumi” për vitin 2026, Zija Çela shpallet fitues me romanin “Koka mbi katror” në edicionin letrar

Shkrimtari i mirënjohur Zija Çela është fituesi i çmimit mbarëkombëtar “At Zef Pllumi” për vitin 2026, një konkurs letrar i përvitshëm që organizohet në Lezhë. Ai u vlerësua për veprën “Koka mbi katror” nga juria e përbërë nga Ardian Ndreca, Evalda Paçi dhe Agron Gashi.

Kryetari i Bashkisë  Lezhës, Pjerin Ndreu, u shpreh se ky konkurs përbën një motiv të rëndësishëm për shkrimtarët dhe një mënyrë për të mbajtur gjallë traditën letrare, ndërsa kryetari i jurisë, Ardian Ndreca, vlerësoi kontributin dhe emrin e At Zef Pllumit.

“Jo vetëm që jemi krenarë, sepse ky është një emër përbashkues dhe i sjell të gjithë së bashku, por edhe që të gjithë janë të gatshëm të vijnë, të shkruajnë, të kontribuojnë, të marrin pjesë në konkurse, duke i dhënë më shumë ngjyrë këtij qyteti të lashtë”, tha Ndreu.

Fituesi i çmimit “At Zef Pllumi”, Zija Çela, e cilësoi këtë vlerësim si një moment të rëndësishëm në karrierën e tij letrare, ndërsa botuesi i veprës, Bujar Hudhri, theksoi se çmime të tilla kanë një peshë të veçantë, pasi nuk burojnë nga detyrimi institucional, por nga vlerësimi real i veprës.

Në këtë edicion morën pjesë 38 autorë nga të gjitha trevat shqipfolëse, duke dëshmuar një rritje të vazhdueshme të interesit për këtë konkurs letrar që organizohet nga Bashkia Lezhë.

/rtsh.al/