DAVOS – Trump këmbëngul për pronësinë e Groenlandës për të ngritur sistemin e sigurisë ndërkombëtare
DAVOS, 21 janar /ATSH-DPA/- Presidenti i SHBA-së, Donald Trump, tha sot në një fjalim kryesor në Forumin Ekonomik Botëror në Davos se SHBA-ja kishte nevojë për pronësinë e territorit të madh të Arktikut për hir të ngritjes së një sistemi mbrojtës nga raketat dhe sigurisë ndërkombëtare.
“Nuk mund ta mbrosh atë me kontratë qiraje”, tha Trump.
Vetëm SHBA-ja është në pozicionin për të qenë në gjendje të sigurojë Groenlandën,” tha ai në Davos.
Trump ka planifikuar një numër takimesh mbi Groenlandën gjatë takimit të profilit të lartë në vendpushimin alpin zviceran.
Aleatët evropianë të NATO-s kanë shprehur solidaritet me Danimarkën dhe Groenlandën, por Trump tha se do të vendoste tarifa ndëshkuese nga 1 shkurti për të ushtruar presion mbi vendet që kanë kundërshtuar shitjen e ishullit Arktik.
Trump tha se qëndrimi i SHBA-së për blerjen e Groenlandës nga Danimarka nuk kishte ndryshuar. Ishulli i madh mendohet gjithashtu se është i pasur me minerale.
Trump diskutoi gjithashtu çështje të tjera gjatë fjalimit të tij, duke përfshirë politikën e brendshme, të ardhmen e Venezuelës, energjinë e gjelbër dhe bindjen e tij se Evropa është në rënie, por të gjithë ishin të vëmendshëm ndaj deklaratës së tij për Groenlandën pas disa ditësh shqetësimi në vendet evropiane.
“Njerëzit menduan se do të përdorja forcë, por nuk kam pse të përdor forcën”, tha presidenti i SHBA-së duke iu drejtuar forumit – ndërsa shumë njerëz në pjesën tjetër të botës që po shikonin transmetimin drejtpërdrejt nga vendpushimi zviceran.
“Nuk dua të përdor forcën. Nuk do të përdor forcën”, tha Trump.
Udhëheqësit evropianë ishin të shqetësuar pas deklaratave të përsëritura të Trump duke këmbëngulur që ishulli Arktik, i cili është pjesë e Danimarkës, të bëhej pjesë e Shteteve të Bashkuara të Amerikës për arsye sigurie kombëtare dhe globale.
Më herët, Trump refuzoi të thoshte nëse do të përjashtonte dërgimin e ushtrisë amerikane për të përmbushur kërkesën e tij.
Në Davos ai tha se po kërkonte negociata të menjëhershme për të diskutuar sërish blerjen e Groenlandës nga Shtetet e Bashkuara të Amerikës.
Ministrat nga Danimarka, Groenlanda dhe SHBA-ja së bashku me zëvendëspresidentin e SHBA-së, JD Vance u takuan në Uashington për këtë çështje, por këto bisedime dhanë pak rezultate.
Danezët thanë se po ngrihej një grup pune për të gjetur një zgjidhje përpara. Trupat amerikane janë tashmë të stacionuara në Groenlandë. //a.i/