Dita e Verës në Gjirokastër, aktivitete të shumta në parkun e Viroit

Gjirokastra ka festuar Ditën e Verës me aktivitete të shumta në Parkun e Viroit. Qytetarë të shumtë, të vegjël dhe të rritur, u mblodhën për të shijuar atmosferën festive, ku nuk munguan muzika, lojërat dhe argëtimi për të gjithë.

Nga ana tjetër kryetari i Bashkisë, Flamur Golemi, thekson rëndësinë e aktiviteteve të tilla për qytetin dhe përfshirjen e komunitetit në to, ndërsa ka përcjellë urimet e tij.

“Si çdo 14 mars ne mblidhemi në Parkun e Viroit për të festuar por dhe për të pritur Ditën e Verës dhe për të uruar gjithë banorët e Gjirokastrës për më shumë mirësi dhe shëndet”

Dita e Verës në Gjirokastër solli gëzim dhe energji pozitive, duke u kthyer në një traditë të dashur për banorët dhe vizitorët.

Festimet vijuan gjatë gjithë ditës me aktivitete të ndryshme.

Gazetare:Enkeleda Domeri

/rtsh.al/