Dita e tretë e protestës, qytetarët kundër investimit në Zvërnec, thirrje për anulimin e projektit

Ka vazhduar edhe këtë të martë (2 qershor) protesta e qytetarëve që kërkojnë anulimin e projektit në Zvërnec, duke shprehur shqetësimet e tyre për ndikimin që ai mund të ketë në mjedis dhe në pasuritë natyrore të zonës.

Qytetarët u grumbulluan për të tretën ditë në sheshin “Skënderbej” dhe nga aty marshuan drejt Ministrisë së Brendshme dhe më pas drejt Kryeministrisë, ku i kanë bërë thirrje kryeministrit Edi Rama të anulojë projektin.

Me thirrjen “Nuk ka dialog”, qytetarët iu përgjigjën ftesës së kryeministrit Edi Rama për të bashkëbiseduar me një grup prej tyre.

/rtsh.al/