E nxorrën jashtë me dhunë, Agron Shehaj në Kuvend: Skandal, nuk më lejuan se do katandisja Edi Ramën

Deputeti i partisë ‘Mundësia’ Agron Shehaj, nuk u lejua të futet brenda Parlamentit nga gardistët të enjten.

Sot në kuvend, Agron Shehaj:

“Një skandal i vërtetë. Pa asnjë komunikim, pengohet hyrja e një deputeti të opozitës në Kuvend.

Unë e dija shumë mirë që nuk mund të hyja në Kuvendin e korrupsionit, në Kuvendin e atyre që ua kanë nxirë jetën qytetarëve shqiptarë. E dija që nuk kisha për t’ia dalë. Por të gjithë duhet ta shikonin se si i trajtoni ju deputetët e opozitës, që bëni sikur ta kishit pronë private këtë Parlament.

Nuk më lejuan mua se do të vinte Edi Rama. Dhe Edi Rama nuk mund të katandisej si herën e fundit, një njeri i lodhur, kryeministër i rëndomtë, për të cilin kanë dy muaj që kërkohet dorëheqja. Nuk ka as moral, as kurajë të reagojë. Nuk thotë dot më: “Nuk jemi të korruptuar.”

Për herë të parë, një e korruptuar mbrohet me votat e maxhorancës.

Edi Rama nuk përballet dot më me opozitën.”