E rëndë në Fier/ 26-vjeçarja mbyt të atin me tel, e kallëzon në polici si ngjarje aksidentale

Një krim i rëndë ka ndodhur në një familje në fshatin Frashër të Fierit rreth orës 23:00 të ditës së djeshme.

26-vjeçarja Emanilda Rama ka mbytur babain e saj me tel, 56-vjeçarin Anesti Rama. Më pas e reja ka shkuar në polici dhe e ka kallëzuar si një ngjarje aksidentale. Policia ka arrestuar të renë, bashkë me të është shoqëruar në komisariat edhe e ëma.

Kjo e fundit dyshohet se ka ndihmuar 26-vjeçaren për pastrimin e trupit të 56-vjeçarit të vrarë, me qëllim inskenimin e ngjarjes si aksidentale.

Vijojnë hetimet, në drejtimin e Prokurorisë, me qëllim dokumentimin me prova ligjore të të gjitha rrethanave të këtij rasti.

Materialet procedurale iu referuan Prokurorisë së Fierit, për veprime të mëtejshme./abcnews.al