FOKUS – Rusia dhe Ukraina sulmojnë infrastrukturën hekurudhore respektive

KIEV/MOSKË, 5 gusht /ATSH-DPA/ – Rusia dhe Ukraina kanë intensifikuar sulmet e tyre të ndërsjella gjatë natës në linjat hekurudhore strategjikisht të rëndësishme.

”Një sulm ajror rus në qendrën hekurudhore ukrainase të Lozovës dëmtoi stacionin dhe ndërtesa të tjera të infrastrukturës”, sipas autoriteteve të mbrojtjes civile ukrainase.

”Një punonjës hekurudhor u vra dhe 10 të tjerë u plagosën, përfshirë dy adoleshentë”, raportoi zyra e prokurorit rajonal të Kharkivit.

Linjat hekurudhore që kalojnë nëpër Lozova lidhin Kharkivin dhe qytetet Kramatorsk dhe Kostiantynivka, në vijën e frontit në Ukrainën lindore.

”Qyteti u sulmua nga më shumë se 30 dronë luftarakë rusë”, sipas raportimeve.

Kryetari i bashkisë Sergei Zelensky e përshkroi atë si sulmin më serioz në më shumë se tre vjet luftë.

Të dyja palët në konflikt synojnë të ndërpresin linjat e furnizimit të armikut në front duke dëmtuar infrastrukturën hekurudhore. Ukraina ka synuar jo vetëm rafineritë, por edhe shinat hekurudhore në Rusi për disa javë./  /os/