FOKUS – SHBA-ja dhe Rusia bien dakord të rivendosin dialogun ushtarak të nivelit të lartë

UASHINGTON/MOSKË, 5 shkurt /ATSH-DPA/- Shtetet e Bashkuara të Amerikës dhe Rusia kanë rënë dakord të rivendosin kontaktet ushtarake të nivelit të lartë – për herë të parë që nga viti 2021, tha sot Komanda Evropiane e SHBA-së.

Marrëveshja u arrit gjatë bisedimeve tripalëshe të paqes në Abu Dabi që synonin zgjidhjen e luftës në Ukrainë.

Kanali i komunikimit midis përfaqësuesve të lartë ushtarakë amerikanë dhe rusë u ndërpre në fund të vitit 2021, përpara se presidenti rus Vladimir Putin të urdhëronte pushtimin e Ukrainës në shkurt të vitit 2022.

“Ruajtja e dialogut midis ushtrive është një faktor i rëndësishëm në stabilitetin dhe paqen globale, e cila mund të arrihet vetëm përmes forcës dhe ofron një mjet për rritjen e transparencës dhe shmangien e përshkallëzimit”, tha Komanda Evropiane e SHBA-së. //a.i/