FOTOT- Aksident rrugor në aksin Lin- Pogradec
Një aksident është shënuar pak minuta më parë në aksin Lin-Pogradec, në afërsi të fshatit Pojskë, ku një automjet me targa greke për shkak të prezencës së ujit në rrugë, duket se ka humbur kontrollin dhe është përplasur me trafik-ndarësen.
Sipas informacioneve nga policia, janë regjistruar vetëm dëme materiale, ndërsa policia po punon për zbardhjen e shkaqeve të aksidentit.
Ky është aksidenti më i fundit që ndodh në këtë aks rrugor, ku vetëm 2 ditë më parë 2 automjete u përplasen me njëra- tjetrën, ku 3 shtetas u plagosën.
/rtsh.al/