Fadromat prishin objektet pa leje, 4.7 milionë euro për rikualifikimin e hyrjes së qytetit të Shkodrës

Në shkodër ka nisur prishja e ndërtimeve pa leje për t’i hapur rrugë projektit për rikonstruksionin e hyrjes së qytetit.

Fadromat e IKMT kanë shembur objektin e parë: Në total janë 11 ndërtesa pa leje, ndërsa, 10 të tjera presin shpronësimin e më pas do të prishen.

Ky aksion është pjesë e projektit për rikualifikimin e hyrjes së Shkodrës.

Investimi me vlerë  afro 4.7 milionë euro i fondit shqiptar të zhvillimit synon të transformojë zonën afër kalasë së qytetit si dhe të bëjë një rikualifikim të bregut perëndimor të liqenit. /vizionplus.tv