Florida, republikani Byron Donalds drejt fitores, do të bëhet guvernatori i parë afroamerikan. - ATSH -

SHBA, 4 nëntor/ATSH/ Republikani Byron Donalds, i mbështetur nga presidenti amerikan Donald Trump, është shpallur fitues i zgjedhjeve për guvernator të Floridës, sipas projeksioneve të BBC-së.

Me këtë rezultat, Florida pritet të ketë guvernatorin e parë afroamerikan në historinë e saj.

Donalds, i cili shërbente si anëtar i Dhomës së Përfaqësuesve në Kongresin amerikan që prej vitit 2021, kandidonte për të zëvendësuar guvernatorin republikan Ron DeSantis, të cilit i përfundon mandati.

Ndërkohë, republikania Ashley Moody u shpall fituese e zgjedhjeve speciale për një vend në Senatin amerikan, duke mposhtur demokratën Angie Nixon.

Sipas BBC-së, republikanët arritën të ruajnë avantazhin në Florida, pavarësisht fitoreve të rëndësishme të demokratëve në nivel kombëtar.

Sipas Ligjit Nr.35/2016 “Për të drejtat e autorit dhe të drejtat e tjera të lidhura me to”, i ndryshuar, ndalohet kopjimi, publikimi, shpërndarja dhe tjetërsimi pa cituar Agjencinë Telegrafike Shqiptare.