Fotoja e “Tony Montanës” mbi pakot e kokainës, arrestohet 29-vjeçari shqiptar në Itali, i sekuestrohen 27 kg drogë (VIDEO)

Një 29-vjeçar shqiptar ëshhtë arrestuar nga policia italiane, pasi akuzohet për trafik të lëndëve narkotike.

Policia gjeti dhe sekuestroi në një shtëpi në Vigevano 27 kg lëndë narkotike; 22 kg hashash të ndarë në 122 pako të vogla dhe 5 kg kokainë. Pakot e kokainës kishin të stampuar imazhin e Al Pacinos nga filmi “Scarface”.

Gjithashtu në shtëpinë e të riut shqiptar u gjetën rreth 7 mijë euro cash, të cilat besohet se kanë ardhur nga trafiku i drogës.

29-vjeçari u arrestua dhe u dërgua në burgun e Pavias./vizionplus.tv