Frikë në qendrën e grumbullimit të Anglisë në Kansas, pranë strukturës plagosen 9 persona nga të shtëna me armë zjarri

Plot nëntë persona janë plagosur mbrëmjen e kaluar në një zonë shumë pranë qendrës ku është grumbulluar Anglia në Kansas Siti.

Policia e shtetit të Misurit hyri në aksion pas një telefonate ku u raportuan të shtëna në “Troost Avenue”, një rrugë kjo, e cila ndodhet gati 6 kilometra larg bazës ku po përgatiten “Tre luanët” e Thuchel.

Kapiteni i “Kansas City Police Department”, Jake Beçhina, konfirmoi se nga të shtënat kanë marrë plagë të lehta tre femra, të cilat janë dërguar menjëherë në spital.

Me kalimin e kohës në klinikat në atë zonë u raportuan se janë paraqitur edhe gjashtë persona të tjerë, të cilët ishin plagosur në këtë incident, i cili ende nuk ka një autor.

Policia ka bërë me dije se po mbikqyr zonën, por ende nuk ka një identikit të autorit apo autorëve të ngjarjes.