GJERMANI – Moti i keq shkakton vonesa dhe anulime në transport

BERLIN, 8 janar /ATSH-DPA/- Moti i keq ka shkaktuar vonesa dhe anulime në Aeroportin e Frankfurtit dje në mbrëmje, ndërsa kufizimet kanë vazhduar të pengojnë operacionet në qendrën më të madhe të aviacionit të Gjermanisë.

Operatori hekurudhor gjerman “Deutsche Bahn” ka njoftuar pasagjerët të përgatiten për vonesa dhe anulime të shërbimeve në distanca të gjata, ndërsa autoritetet u kanë kërkuar banorëve të shmangin udhëtimet me makinë nëse është e mundur.

“Shkollat ​​në Hamburg dhe Bremen, si dhe në shtetin verior të Saksonisë së Poshtme, do të mbeten të mbyllura deri nesër”, thanë autoritetet.

Shkollave u është kërkuar të kalojnë mësimin në distancë dhe të ofrojnë kujdes emergjent për fëmijët, prindërit e të cilëve nuk mund të qëndrojnë në shtëpi.

Prodhuesi i makinave “Volkswagen” tha se planifikon të pezullojë prodhimin në fabrikën e tij, në Emden në Gjermaninë veriperëndimore për shkak të motit të keq.

Shërbimet e trageteve për në një numër ishujsh të Detit të Veriut të Gjermanisë, duke përfshirë Langeoog, Norderney dhe Wangerooge, do të pezullohen neser në pritje të stuhisë dimërore “Elli”. //a.i/