Gjeli i detit, importi uli çmimet/ Fermerët në Peqin: Rritja natyrale e shpendëve, kohë dhe kosto

Edhe pse Peqini ka një traditë të gjatë në mbarështimin e gjelit të detit, fermerët e zonës thonë se përballen me vështirësi e sfida të mëdha në kujdesin ndaj tyre.

Fermerët theksojnë se rritja natyrale e shpendëve kërkon më shumë kohë dhe kosto më të larta, ndërsa në treg ata përballen me konkurrencën e produkteve të importit, që shiten me çmime më të ulëta.

Aktualisht, gjeli i detit i rritur në fermat e Peqinit tregtohet me 1000–1200 lekë për kilogram, një çmim që sipas fermerëve shpesh nuk mbulon kostot reale të prodhimit.

Gjatë aktivitetit promovues të organizuar në Peqin, drejtori i Bujqësisë Nazmi Xhyra, u shpreh se rreth 30 mijë gjela deti mbarështrohen çdo vit në zonë, të njohur për cilësinë dhe shijen e veçantë.

Peqini është i njohur për mbarështimin e gjelit të detit, simboli kryesor i tryezës festive të Vitit të Ri./abcnews.al