Gjyqi ndaj bandës së Laert Haxhiut, babai i këngëtarit Noizy paraqitet në GJKKO si dëshmitar

Babai i këngëtarit të njohur Rigels Rajku, i njohur me emrin Noizy është paraqitur ditën e sotme në Gjykatën e Posaçme. Bashkim Rajku ka qenë i shoqëruar nga vajza teksa ka mbërritur në ambientet e GJKKO ku pritet të dëshmojë në gjyqin ndaj bandës së Laert Haxhiut.

Më datë 6 maj u mbajt seanca e parë, ku ishte i pranishëm dhe vetë Noizy, por u shty për shkak të mungesës së avokatëve.

Noizy dhe familjarët e tij janë pjesë e listës me rreth 60 dëshmitarë të thirrur nga mbrojtja e Haxhiut, i cili po gjykohet për drejtimin e një grupi kriminal të strukturuar, i akuzuar për një sërë veprash të rënda penale, përfshirë vrasje, atentate, shpërthime me eksploziv dhe grabitje me armë, një prej tyre edhe eksplozivi në lokalin në pronësi të Noizyt.