Goditet rrjeti i narkotikëve në Tiranë, sekuestrohen mbi 1 kg heroinë, 2 arrestime (EMRAT)
Policia e Tiranës ka intensifikuar kontrollet ndaj veprimtarisë kriminale të shpërndarjes së lëndëve narkotike, duke finalizuar fazën e tretë të operacionit të koduar “Zonat”.
Gjatë këtij operacioni është goditur një rast i furnizimit dhe shpërndarjes së drogave të forta, ku janë sekuestruar mbi 1 kilogram heroinë dhe janë arrestuar në flagrancë dy shtetas.
Sipas Policisë, të arrestuarit janë Gezim Muhameti., 51 vjeç, banues në Tiranë, dhe Zhuljan Prençi 35 vjeç, banues në Gjirokastër. Ata u ndaluan në rrugën “Prokop Mina” pas informacioneve të siguruara në rrugë operative dhe një pune hetimore të mirëorganizuar.
Gjatë kontrollit të automjetit dhe kontrollit fizik, shërbimet e Policisë gjetën dhe sekuestruan 1 kg e 71 gramë lëndë të dyshuar heroinë, e cila dyshohet se do të shpërndahej në doza në zona të ndryshme të kryeqytetit, kryesisht në Tiranën e Re.
Hetimet vijojnë në bashkëpunim me Prokurorinë për identifikimin e personave të tjerë të përfshirë në këtë aktivitet kriminal, ndërsa materialet procedurale janë referuar për veprime të mëtejshme.
View this post on Instagram
/vizionplus.tv