Gonxhja: Shkëmbim kulturor mes Shqipërisë dhe Katarit

TIRANË, 3 korrik /ATSH/ Ministri i Ekonomisë, Kulturës dhe Inovacionit, Blendi Gonxhja, priti në një vizitë në Muzeun Kombëtar “Shtëpia me Gjethe” Shkëlqesinë e Saj Sheikha Al Mayassa bint Hamad Al Thani, një personalitet i njohur në arenën ndërkombëtare për kontributin e saj të spikatur në fushën e artit, kulturës dhe ruajtjes së trashëgimisë.

Vizita përfshiu një prezantim simbolik të historisë shqiptare në një nga hapësirat më domethënëse të kujtesës kolektive në vend.

“Një prezantim simbolik i historisë sonë, në një nga hapësirat më domethënëse të kujtesës kolektive në Shqipëri, ku së bashku edhe me Ambasadorin e Katarit në Shqipëri, z. Jabor bin Ali Al Dosari, bashkëbiseduam mbi mundësitë e shkëmbimit kulturor mes Shqipërisë dhe Katarit, si dhe ndamë vlerësime të përbashkëta për rolin që luajnë muzeumet në forcimin e dialogut ndërkombëtar përmes kujtesës dhe inovacionit”, shkruan Gonxhja.

1 nga 4

/a.f//r.e/

Më shumë nga Kultura