Hallvë, nga shefja e kuzhinës Albana Mançja

Hallvë me miell misri OLA dhe portokall, nga shefja e kuzhinës Albana Mançja

Përbërësit:

• 400 g sheqer
• 1 300 ml ujë
• 250 ml lëng portokalli të shtrydhur
• 500 g miell misri të trashë OLA
• 2 bustina vanilje
• Lëkura e një portokalli, e grirë hollë
• Kanellë pluhur
• Bajame të prera në fletë, për zbukurim

Përgatitja:

1. Përgatitja e sherbetit:
   Në një tenxhere hedhim sheqerin, ujin dhe lëngun e portokallit. I vendosim të ziejnë.
2. Shtimi i miellit të misrit:
   Pasi sherbeti të ketë marrë valë, shtojmë miellin e misrit dhe e përziejmë vazhdimisht, derisa masa të trashet.
3. Aromatizimi:
   E heqim nga zjarri dhe e aromatizojmë me vaniljen dhe lëkurën e grirë të portokallit.
4. Formimi:
   E hedhim përzierjen në një formë keku, të lagur më parë me ujë. E mbulojmë me letër kuzhine dhe e lëmë të ftohet.
5. Shërbimi:
   E nxjerrim nga forma, e spërkasim me kanellë dhe e zbukurojmë me bajame të prera në fletë.