Hamasi planifikoi sulme terroriste në ambasadën izraelite dhe bazën ushtarake amerikane në Gjermani

Një celulë terroriste e Hamasit kishte planifikuar të kryente sulme terroriste në ambasadën izraelite në Berlin dhe një bazë ushtarake amerikane në Gjermani.

Ashtu siç raporton gazeta gjermane Welt am Sonntag, objektivat u gjetën në telefonin e një të dyshuari për terrorizëm, i cili u arrestua në Berlin në dhjetor dhe u akuzua nga prokurorët se po kërkonte vende për të fshehur armët për grupin terrorist.

Sipas medias gjermane referuar shërbimeve sekrete i dyshuari, i cili ka origjinë libaneze kishte marrë udhëzime nga zyrtarët e Hamasit në Liban.

Gjithashtu, u zbulua në janar se Hamasi drejtonte një rrjet operativësh në Evropë të komanduar nga liderët e terrorizmit në Liban dhe synonin të sulmojë objektivat hebrenj dhe izraelitë jashtë vendit.

/rtsh.al/