I dënuar me 20 vite burg për rrëmbim personi dhe trafik droge, arrestohet 40-vjeçari në Spanjë (EMRI)

Policia ka njoftuar se, në kuadër të bashkëpunimit ndërkombëtar, është bërë i mundur lokalizimi dhe arrestimi i shtetasit Adrian Ogiçi, 40 vjeç, banues në Sarandë. Arrestimi u realizua në Spanjë.

Ogiçi është i dënuar me 20 vite burg për kryerjen e veprave penale “Rrëmbimi i personit” dhe “Trafikimi i lëndëve narkotike”, të kryera në bashkëpunim.

Ky operacion u realizua falë shkëmbimit të informacionit dhe koordinimit të ngushtë mes autoriteteve shqiptare dhe partnerëve ndërkombëtarë, duke garantuar ekzekutimin e drejtësisë dhe ekstradimin e të dënuarit.

“Vijon bashkëpunimi me partnerët ndërkombëtarë për lokalizimin, kapjen dhe ekstradimin e shtetasve të shpallur në kërkim ndërkombëtar.

Në vijim të bashkëpunimit me partnerët për shkëmbimin e informacionit mbi vendndodhjen, kapjen dhe arrestimin me qëllim ekstradimi të shtetasve të shpallur në kërkim ndërkombëtar, është bërë i mundur lokalizimi, kapja dhe arrestimi, në Spanjë, i shtetasit Adrian Ogiçi, 40 vjeç, banues në Sarandë.

Ky shtetas është i dënuar me 20 vite burg për kryerjen e veprave penale “Rrëmbimi i personit” dhe “Trafikimi i lëndëve narkotike”, të kryera në bashkëpunim“, njofton policia.