IZRAEL – Netanyahu: Nëse negociatat me Hamasin dështojnë brenda 60 ditëve, do të përdorim forcën

TEL AVIV, 10 korrik /ATSH-ANSA/- Jemi të vendosur t’i kthejmë të gjithë pengjet në shtëpi, tha sot kryeministri izraelit Benjamin Netanyahu.

“Në fillim të këtij armëpushimi, ne do të hyjmë menjëherë në negociata për t’i dhënë fund luftës përgjithmonë”, tha ai.

“Por, për të arritur këtë qëllim, nevojiten disa kushte minimale si, çarmatimi i Hamasit, demilitarizimi i Gazës dhe shkatërrimi i kapaciteteve ushtarake të Hamasit”, shtoi ai.

“Nëse këto arrihen përmes diplomacisë, aq më mirë”, theksoi Netanyahu.

“Por, nëse kjo nuk ndodh brenda 60 ditëve nga armëpushimi, ne do ta arrijmë atë me mjete të tjera, përmes përdorimit të forcës, fuqisë së ushtrisë sonë heroike”, tha kryeministri izraelit. //a.i/