Imazhe mbresëlënëse nga shpërthimi i fundit i vullkanit Kilauea në Hawaii, lava arriti në 30 metra

Vullkani Kilauea në Hawaii ka hyrë në një fazë të re shpërthimi, duke hedhur në ajër shtylla të fuqishme lave, ndërsa aktiviteti mbetet i kufizuar brenda territorit të Parkut Kombëtar të Vullkaneve të Hawait.

Mali Kilauea, në Ishullin e Madh, është riaktivizuar duke ndriçuar qiellin e natës me ngjyrat intense të së kuqes nga shpërthimet e vazhdueshme. Aktiviteti i fundit, i cili ka tërhequr vëmendjen e banorëve dhe turistëve për gati një vit, nisi më 6 dhjetor dhe përfshin shpërthime me shtylla lave që arrijnë nga 15 deri në 30 metra lartësi nga krateret e konit verior.

Pavarësisht intensitetit të shpërthimit, ai vazhdon të jetë i kufizuar brenda parkut kombëtar, ndërkohë që shkencëtarët e Shërbimit Gjeologjik të Shteteve të Bashkuara po monitorojnë nga afër rritjen e aktivitetit sizmik dhe rrjedhën e lavës.

Për momentin, asnjë komunitet përreth nuk rrezikohet nga shpërthimi.

/vizionplus.tv