Itali/ U qëllua me plumb në kokë, ndërron jetë pas tre ditësh në spital 59-vjeçari shqiptar

Fatos Cenaj, 59-vjeçari shqiptar, i cili u qëllua me dy plumba në kokë të dielën në mëngjes, ndërroi jetë mbrëmjen e djeshme,  pas tre ditësh në spital.

Ngjarja e rëndë ndodhi në Fontaniva, Itali më 8 qershor.

Cenaj ishte me biçikletën e tij duke shkuar në punë, kur disa kilometra larg shtëpisë u godit nga dy të shtëna me armë zjarri menjëherë pas veshit.

Karabinierët po hetojnë tani për vrasje. Prokurori publik që ka në dorë dosjen e hetimit, përveç autopsisë, ka të ngjarë të kërkojë një raport balistik për të qenë në gjendje të kuptojë trajektoren e plumbit, nga çfarë distance është qëlluar dhe nga cila armë është qëlluar.

Për momentin nuk ka dëshmitarë dhe nuk ka kamera që mund të ndihmojnë hetuesit.

I vetmi detaj që mbetet është se vrasja ndodhi në një zonë bujqësore të Fontaniva ku të dielën në mëngjes një kalimtar pa një person në tokë dhe mendoi se kishte pësuar një aksident rrugor.

Kur mjekët mbërritën në vendin e ngjarjes, u konstatuan plagët e shkaktuara nga arma.

Të gjithë skenarët mbeten të hapur, nga të shtëna aksidentale deri në një pritë./vizionplus.tv