Ja çfarë thotë psikologjia për ata që thonë shpesh “faleminderit”

Të thuash “faleminderit“ është shenjë edukate dhe mirënjohjeje. Por, kur e përdorim këtë fjalë vazhdimisht, edhe për gjërat më të vogla, ndonjëherë mund të fshihet diçka më shumë pas saj.

Sipas psikologjisë, njerëzit që falënderojnë tepër shpesh mund ta bëjnë këtë për disa arsye:

Frika se mos bezdisin të tjerët: Ndihen sikur po u bëhen barrë dhe kërkojnë vazhdimisht të tregojnë mirënjohje.
Nevoja për miratim: Kanë dëshirë të pranohen dhe të mos zhgënjejnë askënd.
Vetëvlerësimi i ulët: Ndihen sikur duhet të jenë gjithmonë të sjellshëm dhe mirënjohës për të merituar vlerësimin e të tjerëve.
Ankthi emocional: Përdorin falënderimin si mënyrë për të shmangur konfliktet dhe për të ruajtur marrëdhëniet.
Sigurisht, jo çdo person që thotë shpesh „faleminderit“ ka këto probleme. Mirënjohja është një ndjenjë pozitive dhe lidhet me mirëqenien emocionale.

Si ta kuptojmë dallimin?

Reklamë

Pyete veten: A them „faleminderit“ sepse e vlerësoj vërtet gjestin e dikujt, apo sepse kam frikë se mos e bezdis, e zhgënjej apo nuk më pranon?

Dallimi është i rëndësishëm.

Në fund, mirënjohja duhet të vijë nga dëshira për të vlerësuar të tjerët, jo nga frika se mos nuk jemi mjaftueshëm të mirë për ta.